Pahle Hum Ashk The Phir Dida-e-nam-nak Hue
pahle hum ashk the phir dida-e-nam-nak hue
ek ju-e-ab-e-rawan hath lagi pak hue
aur phir sada-dili dil mein kahin dafn hui
aur phir dekhte hi dekhte chaalak hue
aur phir sham hui, rang uDe, jam bane
aur phir zikr chhiDa, thoDe se ghamnak hue
aur phir aah bhari ashk bahe, sher kahe
aur phir raqs kiya, dhul uDi, KHak hue
aur phir hum kasi pa-posh ka paiwand bane
aur phir apne bhi charche sar-e-aflak hue
aur phir yaad kiya ism paDha, phunk diya
aur phir koh-e-giran bhi KHas-o-KHashak hue
Ahmad Ata 
(855) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544