Safha-e-zist Jab PaDhunga Tumhein
safha-e-zist jab paDhunga tumhein
der tak chumta rahunga tumhein
tum bhale dekhte raho sab ko
main chhupa kar kahin rakhunga tumhein
tum bane ho bane raho KHushbu
main kisi roz le uDunga tumhein
rag ho, dil ki dhaDkanon ka rag
samne baiTh kar sununga tumhein
dekhna dekhte hue mujh ko
kis tarah aankh mein bharunga tumhein
jao chhupte phiro gurez karo
ek din main bhi dekh lunga tumhein
tum bahut dur ja chuke hoge
main kahan DhunDhta phirunga tumhein
ek din ahmad-'ata' bhi KHwab hua
kah gaya KHwab mein milunga tumhein
Ahmad Ata 
(1039) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544