Hum Bhi Shaer The Kabhi Jaan-e-suKHan Yaad Nahin
hum bhi shaer the kabhi jaan-e-suKHan yaad nahin
tujh ko bhule hain to dil-dari-e-fan yaad nahin
dil se kal mahw-e-takallum the to malum hua
koi kakul koi lab koi dahan yaad nahin
aql ke shahr mein aaya hai to yun gum hai junun
lab-e-goya ko bhi be-saKHta-pan yaad nahin
awwal awwal to na the waqif-e-adab-e-qafas
aur ab rasm-o-rah-e-ahl-e-chaman yaad nahin
har koi nawak o tarkash ki dukan puchhta hai
kisi gahak ko magar apna badan yaad nahin
waqt kis dasht-e-faramoshi mein le aaya hai
ab tera nam bhi KHakam-ba-dahan yaad nahin
ye bhi kya kam hai gharib-ul-watani mein ki 'faraaz'
hum ko be-mehri-e-arbab-e-watan yaad nahin
Ahmad Faraz 
(2844) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544