Manzilen Ek Si Aawargiyan Ek Si Hain
manzilen ek si aawargiyan ek si hain
muKHtalif ho ke bhi sab zindagiyan ek si hain
koi qasid ho ki naseh koi aashiq ki adu
sab ki us shoKH se wabastagiyan ek si hain
dasht-e-majnun na sahi tesha-e-farhad sahi
safar-e-ishq mein wamandgiyan ek si hain
ye alag baat ki ehsas juda hon warna
rahaten ek si afsurdagiyan ek si hain
sufi o rind ke maslak mein sahi lakh tazad
mastiyan ek si waraftagiyan ek si hain
wasl ho hijr ho qurbat ho ki duri ho 'faraaz'
sari kaifiyyaten sab tishnagiyan ek si hain
Ahmad Faraz 
(2406) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544