Wo But Pari Hai Nikalen Na Baal-o-par Tawiz

wo but pari hai nikalen na baal-o-par tawiz

hain donon bazu pe is ke idhar udhar tawiz

wo hum nahin jo hon diwane aise kaamon se

kise pilate ho pani mein ghol kar tawiz

uThega phir na kaleje mein miTha miTha dard

agar likhe mere dil par teri nazar tawiz

kahan wo log ki jin ke amal ka shohra tha

kuchh is zamane mein rakhta nahin asar tawiz

pilaya sanp ko pani jo man nikal liya

nahane baiThe hain choTi se khol kar tawiz

wahan gaya jo koi dil hi bhul kar aaya

rakhe hain gaD ke us ne idhar udhar tawiz

pas-e-fana bhi mohabbat ka silsila na miTa

tere gale mein hai aur meri qabr par tawiz

ye bhed hai ki na murde Daren farishton se

bana ke qabr banate hain qabr par tawiz

ye kya ki zulf mein rakkha hai bandh kar mera dil

use bhi ghol ke pi jao jaan kar tawiz

jo chand se hain badan hain wo chand taron mein

gulon mein haikalen haikal ke ta-kamar tawiz

hue hain hazrat-e-'mail' bhi dil mein ab qail

kuchh aisa likhti hai ai jaan teri nazar tawiz

(671) Peoples Rate This

Your Thoughts and Comments

Wo But Pari Hai Nikalen Na Baal-o-par Tawiz In English By Famous Poet Ahmad Husain Mail. Wo But Pari Hai Nikalen Na Baal-o-par Tawiz is written by Ahmad Husain Mail. Read famous Poem Wo But Pari Hai Nikalen Na Baal-o-par Tawiz for youth and Student by Ahmad Husain Mail. Free Download Wo But Pari Hai Nikalen Na Baal-o-par Tawiz in PDF.