Jis Samay Tera Asar Tha Mujh Mein
jis samay tera asar tha mujh mein
baat karne ka hunar tha mujh mein
subh hote hi sabhi ne dekha
koi ta hadd-e-nazar tha mujh mein
man batati hai ki bachpan ke samay
kisi aaseb ka Dar tha mujh mein
jo bhi aaya kabhi wapas na gaya
aisi chahat ka bhanwar tha mujh mein
main tha sadiyon ke safar mein 'ahmad'
aur sadiyon ka safar tha mujh mein
Ahmad Khayal 
(733) Peoples Rate This