Jo Tere Gham Ki Girani Se Nikal Sakta Hai
jo tere gham ki girani se nikal sakta hai
har musibat mein rawani se nikal sakta hai
tu jo ye jaan hatheli pe liye phirta hai
tera kirdar kahani se nikal sakta hai
shahr-e-inkar ki pur-pech si in galiyon se
tu faqat ijz-bayani se nikal sakta hai
gardish-e-daur tere sath chale chalta hun
kaam agar naql-e-makani se nikal sakta hai
ai meri qaum chali aa mere pichhe pichhe
koi rasta bhi to pani se nikal sakta hai
Ahmad Khayal 
(973) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544