Ajab Nahin Kabhi Naghma Bane Fughan Meri
ajab nahin kabhi naghma bane fughan meri
meri bahaar mein shamil hai ab KHizan meri
main apne aap ko auron mein rakh ke dekhta hun
kahin fareb na hon dard-mandiyan meri
main apni quwwat-e-izhaar ki talash mein hun
wo shauq hai ki sambhalti nahin zaban meri
yahi sabab hai ki ahwal-e-dil nahin kahta
kahun to aur ulajhti hain gutthiyan meri
main apne ijz pe nadim nahin hun ham-suKHano
hazar shukr tabiat nahin rawan meri
Ahmad Mushtaq 
(1337) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544