Ashk Daman Mein Bhare KHwab Kamar Par Rakkha

ashk daman mein bhare KHwab kamar par rakkha

phir qadam hum ne teri rahguzar par rakkha

hum ne ek hath se thama shab-e-gham ka aanchal

aur ek hath ko daman-e-sahar par rakkha

chalte chalte jo thake panw to hum baiTh gae

nind gaThri pe dhari KHwab shajar par rakkha

jaane kis dam nikal aae tere ruKHsar ki dhup

muddaton dhyan tere saya-e-dar par rakkha

jate mausam ne palaT kar bhi na dekha 'mushtaq'

rah gaya saghar-e-gul sabza-e-tar par rakkha

(833) Peoples Rate This

Your Thoughts and Comments

Ashk Daman Mein Bhare KHwab Kamar Par Rakkha In English By Famous Poet Ahmad Mushtaq. Ashk Daman Mein Bhare KHwab Kamar Par Rakkha is written by Ahmad Mushtaq. Read famous Poem Ashk Daman Mein Bhare KHwab Kamar Par Rakkha for youth and Student by Ahmad Mushtaq. Free Download Ashk Daman Mein Bhare KHwab Kamar Par Rakkha in PDF.