Dawa To Kiya Husn-e-jahan-soz Ka Sab Ne
dawa to kiya husn-e-jahan-soz ka sab ne
duniya ka magar rup baDhaya teri chhab ne
tu nind mein bhi meri taraf dekh raha tha
sone na diya mujh ko siyah-chashmi-e-shab ne
har zaKHm pe dekhi hain tere pyar ki mohren
ye gul bhi khilae hain teri surKHi-e-lab ne
KHushbu-e-badan aai hai phir mauj-e-saba se
phir kis ko pukara hai tere shahr tarab ne
darkar hai mujh ko to faqat izn-e-tabassum
patthar se agar phul ugae mere rab ne
wo husn hai insan ki meraj-e-tasawwur
jis husn ko puja hai mere sher o adab ne
Ahmad Nadeem Qasmi 
(948) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544