Hum Din Ke Payami Hain Magar Kushta-e-shab Hain
hum din ke payami hain magar kushta-e-shab hain
is haal mein bhi raunaq-e-alam ka sabab hain
zahir mein hum insan hain miTTi ke khilaune
baatin mein magar tund anasir ka ghazab hain
hain halqa-e-zanjir ka hum KHanda-e-jawed
zindan mein basae hue ek shahr-e-tarab hain
chaTki hui ye husn-e-gurezan ki kali hai
ya shiddat-e-jazbaat se khulte hue lab hain
aaghosh mein mahkoge dikhai nahin doge
tum nikhat-e-gulzar ho hum parda-e-shab hain
Ahmad Nadeem Qasmi 
(957) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544