Tanhaiyon Ke Dasht Mein Akasr Mila Mujhe

tanhaiyon ke dasht mein akasr mila mujhe

wo shaKHs jis ne kar diya mujh se juda mujhe

waraftagi meri hai ki hai intiha-e-shauq

us ki gali ko le gaya har rasta mujhe

jaise ho koi chehra naya us ke ru-ba-ru

yun dekhta raha mera har aashna mujhe

harf-e-ghalat samajh ke jo mujh ko miTa gaya

us jaisa us ke baad na koi laga mujhe

pahle hi mujh pe kam nahin teri inayaten

dam lene de ai gardish-e-dauran zara mujhe

mushkil mujhe Dubna kinare pe bhi na tha

nahaq bhanwar mein laya mera naKHuda mujhe

ye zindagi ki maut bhi hai jis pe nauha-KHwan

kis jurm ki na jaane mili hai saza mujhe

(844) Peoples Rate This

Your Thoughts and Comments

Tanhaiyon Ke Dasht Mein Akasr Mila Mujhe In English By Famous Poet Ahmad Rahi. Tanhaiyon Ke Dasht Mein Akasr Mila Mujhe is written by Ahmad Rahi. Read famous Poem Tanhaiyon Ke Dasht Mein Akasr Mila Mujhe for youth and Student by Ahmad Rahi. Free Download Tanhaiyon Ke Dasht Mein Akasr Mila Mujhe in PDF.