Kya Karun Zarf-e-shanasai Ko
kya karun zarf-e-shanasai ko
main taras jata hun tanhai ko
KHamushi zor-e-bayan hoti hai
rasta dijiye goyai ko
tere jalwon ki farawani hai
aur kya chahiye binai ko
un ki har baat bahut miThi hai
munh lagate nahin sachchai ko
ai samundar main qatil-e-gham hun
jaanta hun teri gahrai ko
baiTha rahta hun akela yunhi
yaad kar ke teri yaktai ko
khinch le jate hain kuchh diwane
apni jaanib tere saudai ko
uf tamasha-gah-e-duniya 'azim'
kitni fursat hai tamashai ko
Ainuddin Azim 
(845) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544