Kisi Ki Nek Ho Ya Bad Jahan Mein KHu Nahin Chhupti

kisi ki nek ho ya bad jahan mein KHu nahin chhupti

chhupae lakh KHushbu ya koi badbu nahin chhupti

zaban par jab talak aati nahin albatta chhupti hai

zaban par jab ki aai baat ai gul-ru nahin chhupti

yahan to tujh ko sau parde lage hain ahl-e-taqwa se

bhala rindon se kyun ai duKHtar-e-raz tu nahin chhupti

saliqa kya kare is mein koi betabi-e-jaan ko

chhupao sau tarah jab dil ho be-qabu nahin chhupti

hijab us mein kahan hai be-hijabi jis ki aadat ho

chhupa kar lakh piwe gar koi daru nahin chhupti

ruKH-e-raushan ko tum kyun chhoD kar zulfen chhupate ho

chamak ruKH ki chhupae se tah-e-gesu nahin chhupti

ye rish o jubba o dastar zahid ki banawaT hai

tabiat be-takalluf jis ki ho yaksu nahin chhupti

kalam apna abas tu ahl-e-danish se chhupata hai

jahan mein 'aish' tarz-e-shair-e-KHush-go nahin chhupti

(722) Peoples Rate This

Your Thoughts and Comments

Kisi Ki Nek Ho Ya Bad Jahan Mein KHu Nahin Chhupti In English By Famous Poet Aish Dehlvi. Kisi Ki Nek Ho Ya Bad Jahan Mein KHu Nahin Chhupti is written by Aish Dehlvi. Read famous Poem Kisi Ki Nek Ho Ya Bad Jahan Mein KHu Nahin Chhupti for youth and Student by Aish Dehlvi. Free Download Kisi Ki Nek Ho Ya Bad Jahan Mein KHu Nahin Chhupti in PDF.