Dil Hain Yun Muztarib Makanon Mein
dil hain yun muztarib makanon mein
machhliyan jaise martabanon mein
dhup se DhunDte hain rah-e-farar
log shishe ke saebanon mein
be-irada kalam ki KHwahish
be-sabab luknaten zabanon mein
teri aamad pe jaise lauT aaya
waqt guzre hue zamanon mein
dil dhaDakta hai har sitare ka
aaj ki raat aasmanon mein
zang-alud ho gae jazbi
jam gae harf sard-KHanon mein
reshmi log DhunDte hain hum
shahr ke aahani makanon mein
Aitbar Sajid 
(1046) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544