Har GhaDi Rahta Hai Ab KHadsha Mujhe
har ghaDi rahta hai ab KHadsha mujhe
pi na jae waqt ka dariya mujhe
go haqiqat tha magar ai zindagi
KHwab sa tu ne sada dekha mujhe
jab bhi milta hun wahi chehra liye
bad-dua deta hai aaina mujhe
chhoD aaya hun sulagti ret mein
jaane kya kahta ho naqsh-e-pa mujhe
us ke dil mein KHud wafa na-paid thi
dosti ki bhik kya deta mujhe
Dubti bujhti hui aawaz hun
sath walo ghaur se sunna mujhe
Ajmal Ajmali 
(786) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544