Gale Lagaen Karen Pyar Tumko Id Ke Din

gale lagaen karen pyar tum ko id ke din

idhar to aao mere gul-ezar id ke din

ghazab ka husn hai aaraishen qayamat ki

ayan hai qudrat-e-parwardigar id ke din

sambhal saki na tabiat kisi tarah meri

raha na dil pe mujhe iKHtiyar id ke din

wo sal bhar se kudurat bhari jo thi dil mein

wo dur ho gai bas ek bar id ke din

laga liya unhen sine se josh-e-ulfat mein

gharaz ki aa hi gaya mujh ko pyar id ke din

kahin hai naghma-e-bulbul kahin hai KHanda-e-gul

ayan hai josh-e-shabab-e-bahaar id ke din

siwayyan dudh shakar mewa sab muhayya hai

magar ye sab hai mujhe nagawar id ke din

mile agar lab-e-shirin ka tere ek bosa

to lutf ho mujhe albatta yar id ke din

(1713) Peoples Rate This

Your Thoughts and Comments

Gale Lagaen Karen Pyar Tumko Id Ke Din In English By Famous Poet Akbar Allahabadi. Gale Lagaen Karen Pyar Tumko Id Ke Din is written by Akbar Allahabadi. Read famous Poem Gale Lagaen Karen Pyar Tumko Id Ke Din for youth and Student by Akbar Allahabadi. Free Download Gale Lagaen Karen Pyar Tumko Id Ke Din in PDF.