Mehrbani Hai Ayaadat Ko Jo Aate Hain Magar
mehrbani hai ayaadat ko jo aate hain magar
kis tarah un se hamara haal dekha jaega
daftar-e-duniya ulaT jaega baatil yak-qalam
zarra zarra sab ka asli haal dekha jaega
official aamal-nama ki na hogi kuchh sanad
hashr mein to nama-e-amal dekha jaega
bach rahe taun se to ahl-e-ghaflat bol uThe
ab to mohlat hai phir agle sal dekha jaega
tah karo sahab nasb-nami wo waqt aaya hai ab
be-asar hogi sharafat mal dekha jaega
rakh qadam sabit na chhoD 'akbar' siraat-e-mustaqim
KHair chal jaane de un ki chaal dekha jaega
Akbar Allahabadi 
(955) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544