Na Bahte Ashk To Tasir Mein Siwa Hote
na bahte ashk to tasir mein siwa hote
sadaf mein rahte ye moti to be-baha hote
mujh aise rind se rakhte zarur hi ulfat
janab-e-shaiKH agar aashiq-e-KHuda hote
gunahgaron ne dekha jamal-e-rahmat ko
kahan nasib ye hota jo be-KHata hote
janab-e-hazrat-e-naseh ka wah kya kahna
jo ek baat na hoti to auliya hote
mazaq-e-ishq nahin sheKH mein ye hai afsos
ye chashni bhi jo hoti to kya se kya hote
mahall-e-shukr hain 'akbar' ye darafshan nazmen
har ek zaban ko ye moti nahin ata hote
Akbar Allahabadi 
(1156) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544