Dil Daba Jata Hai Kitna Aaj Gham Ke Bar Se

dil daba jata hai kitna aaj gham ke bar se

kaisi tanhai Tapakti hai dar o diwar se

manzil-e-iqrar apni aaKHiri manzil hai ab

hum ki aae hain guzar kar jada-e-inkar se

tarjuman tha aks apne chehra-e-gum-gashta ka

ek sada aati rahi aaina-e-asrar se

mand paDte ja rahe the KHwab-taswiron ke rang

raat utarti ja rahi thi dard ki diwar se

main bhi 'akbar' karb-agin jaanta hun zist ko

munsalik hai fikr meri fikr-e-schopenhauer se

(837) Peoples Rate This

Your Thoughts and Comments

Dil Daba Jata Hai Kitna Aaj Gham Ke Bar Se In English By Famous Poet Akbar Hyderabadi. Dil Daba Jata Hai Kitna Aaj Gham Ke Bar Se is written by Akbar Hyderabadi. Read famous Poem Dil Daba Jata Hai Kitna Aaj Gham Ke Bar Se for youth and Student by Akbar Hyderabadi. Free Download Dil Daba Jata Hai Kitna Aaj Gham Ke Bar Se in PDF.