Wahi Hai Gardish-e-dauran Wahi Lail-o-nahaar Ab Bhi
wahi hai gardish-e-dauran wahi lail-o-nahaar ab bhi
raha karta hai roz-o-shab kisi ka intizar ab bhi
kabhi din bhar teri baaten kabhi yaadon bhari raaten
teri furqat mein jine ke bahane hain hazar ab bhi
tera jalwa jo pa jati chaman mein ja ke iThlati
bhikaran ban ke baiThi hai tere dar par bahaar ab bhi
KHushi har-chand hai tari gai gham ki giran-bari
chhalak jati hain aankhen aadatan be-iKHtiyar ab bhi
hue hain muntashir warna sitamgar tum se kya Darna
hamari Thokaron mein hai tumhaara eqtidar ab bhi
agar 'aKHlaq' se milte mohabbat ke chaman khilte
na banti bazm-e-yaran ek gah-e-kar-zar ab bhi
Akhlaque Bandvi 
(1236) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544