Nafraton Se Chehra Chehra Gard Tha
nafraton se chehra chehra gard tha
mujrim-e-insaniyat har fard tha
kuchh hawaon mein bhi tha KHauf-o-hiras
kuchh fazaon ka bhi chehra zard tha
be-hisi mein dafn thi insaniyat
aadamiyyat ka bhi lahja sard tha
apne kandhon par uThae apna bojh
koi aawara koi shab-gard tha
phul se chehre the murjhae hue
shahr-e-gul bhi aaj shahr-e-dard tha
jis ne duniya bhar ke gham apnae the
us ko duniya ne kaha be-dard tha
sach to 'aKHtar' ye hai us mahaul mein
mera dushman hi mera hamdard tha
Akhtar Feroz 
(653) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544