Chand Uljhi Hui Sanson Ki Ata Hun Kya Hun
chand uljhi hui sanson ki ata hun kya hun
main charagh-e-tah-e-daman-e-saba hun kya hun
har nafas hai mera parwarda-e-aghosh-e-bala
apne na-karda gunahon ki saza hun kya hun
mujh pe khulta hi nahin mera sitam-dida wajud
koi patthar hun ki gum-karda sada hun kya hun
dil mein hun aur zaban par kabhi aata bhi nahin
main koi bhola hua harf-e-dua hun kya hun
main safar mein hun magar samt-e-safar koi nahin
kya main KHud apna hi naqsh-e-kaf-e-pa hun kya hun
main ne dekha hi nahin jagti aankhon se kabhi
koi uqda hun ki KHud uqda-kusha hun kya hun
puchhta hai mera pairahan-e-hasti mujh se
main qaba hun ki faqat band-e-qaba hun kya hun
dil ki aur meri zaban ek hai phir bhi 'aKHtar'
lafz o mani ki pur-asrar faza hun kya hun
Akhtar Saeed Khan 
(871) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544