Yaro Ku-e-yar Ki Baaten Karen
yaro ku-e-yar ki baaten karen
phir gul o gulzar ki baaten karen
chandni mein ai dil ek ek phul se
apne gul-ruKHsar ki baaten karen
aankhon aankhon mein luTae mai-kade
dida-e-sarshaar ki baaten karen
ab to miliye bas laDai ho chuki
ab to chaliye pyar ki baaten karen
phir mahak uTThe faza-e-zindagi
phir gul o ruKHsar ki baaten karen
mahshar-e-anwar kar den bazm ko
jalwa-e-didar ki baaten karen
apni aankhon se bahaen sail-e-ashk
abr-e-gauhar-bar ki baaten karen
un ko ulfat hi sahi aghyar se
hum se kyun aghyar ki baaten karen
'aKHtar' us rangin ada se raat bhar
tala-e-bedar ki baaten karen
Akhtar Shirani 
(872) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544