یارو کوئے یار کی باتیں کریں
یارو کوئے یار کی باتیں کریں
پھر گل و گلزار کی باتیں کریں
چاندنی میں اے دل اک اک پھول سے
اپنے گل رخسار کی باتیں کریں
آنکھوں آنکھوں میں لٹائے مے کدے
دیدۂ سرشار کی باتیں کریں
اب تو ملیے بس لڑائی ہو چکی
اب تو چلئے پیار کی باتیں کریں
پھر مہک اٹھے فضائے زندگی
پھر گل و رخسار کی باتیں کریں
محشر انوار کر دیں بزم کو
جلوۂ دیدار کی باتیں کریں
اپنی آنکھوں سے بہائیں سیل اشک
ابر گوہربار کی باتیں کریں
ان کو الفت ہی سہی اغیار سے
ہم سے کیوں اغیار کی باتیں کریں
اخترؔ اس رنگیں ادا سے رات بھر
طالع بیدار کی باتیں کریں
(802) ووٹ وصول ہوئے
Yaro Ku-e-yar Ki Baaten Karen In Urdu By Famous Poet Akhtar Shirani. Yaro Ku-e-yar Ki Baaten Karen is written by Akhtar Shirani. Enjoy reading Yaro Ku-e-yar Ki Baaten Karen Poem on Inspiration for Students, Youth, Girls and Boys by Akhtar Shirani. Free Dowlonad Yaro Ku-e-yar Ki Baaten Karen by Akhtar Shirani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends