Main Apni Jang Mein Tan-e-tanha Sharik Tha
main apni jang mein tan-e-tanha sharik tha
dushman ke sath sara zamana sharik tha
injir o shir banTta phirta hai shahr mein
kal tak jo meri nan-e-jawin ka sharik tha
mere KHilaf hai wo gawahi mein pesh pesh
mansuba-bandiyon mein jo mera sharik tha
mere qisas ka bhi hua hai wo muddai
jo mere qatl mein pas-e-parda sharik tha
kar-e-jahan mein bhi wahi mera sharik hai
dukh-dard mein jo lamha-ba-lamha sharik tha
kashti ke Dubne ka mujhe gham nahin magar
maujon ki saz-baz mein dariya sharik tha
had ho gai thi hum se mohabbat mein kufr ki
jaise KHuda-na-KHwasta wo la-sharik tha
'tishna' ye tujh ko sang-e-malamat usi ke hain
pindar-e-ishq mein jo ana ka sharik tha
Alamtaab Tishna 
(934) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544