Gunah

gunah kya hai

sawab kyun hai

sawab ki lazzaten hain kaisi

gunah ka bhaari azab kya hai

mujhe to ye bhi KHabar nahin hai

gunah aaKHir gunah kyun hai

kahan se phuTa hai us ka chashma

kisi pahaDi se jharna ban kar gira hai niche

zamin ke dil par

ki jalte honTon ka dukh bujhane umaD paDa hai

KHud us ki apni hi chhatiyon se

ye reg-zaron ki aarzu hai

ya phir samundar ki aabru hai

jahan se baadal jawani chaDhta hai

aasmanon ki

pani kya hai

ye jo pahaDon pe jhumta hai

sulagte suraj ko chumta hai

do-chaar lamhe pahaD sine pe jhum lena

sulagte suraj ko chum lena

gunah kyun hai

sawab kya hai!

(708) Peoples Rate This

Your Thoughts and Comments

Gunah In English By Famous Poet Ali Mohammad Farshi. Gunah is written by Ali Mohammad Farshi. Read famous Poem Gunah for youth and Student by Ali Mohammad Farshi. Free Download Gunah in PDF.