Na-shanasi Ka Hamesha Gham Raha
na-shanasi ka hamesha gham raha
aaina bhi apna na-mahram raha
aag hai us par hai ye be-shoalagi
apne jalne ka ajab aalam raha
sare unche ghar hawa ki zad mein the
mera malba tha jo mustahkam raha
main bhi sail-e-arzu mein bah gaya
wo bhi gharq-e-garmi-e-shabnam raha
hum gire bhi to ana ke ghaar mein
TuTte par bhi wahi dam-KHam raha
ab hai 'haali' be-niyazi ka KHala
ab kahan ehsas-e-besh-o-kam raha
Alimullah Hali 
(718) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544