Garm-e-fughan Hai Jaras UTh Ki Gaya Qafila
garm-e-fughan hai jaras uTh ki gaya qafila
wae wo rah-rau ki hai muntazir-e-rahila
teri tabiat hai aur tera zamana hai aur
tere muafiq nahin KHanqahi silsila
dil ho ghulam-e-KHirad ya ki imam-e-KHirad
salik-e-rah hoshiyar saKHt hai ye marhala
us ki KHudi hai abhi sham-o-sahar mein asir
gardish-e-dauran ka hai jis ki zaban par gila
tere nafas se hui aatish-e-gul tez-tar
murgh-e-chaman hai yahi teri nawa ka sila
Allama Iqbal 
(2051) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544