Gesu-e-tabdar Ko Aur Bhi Tabdar Kar
gesu-e-tabdar ko aur bhi tabdar kar
hosh o KHirad shikar kar qalb o nazar shikar kar
ishq bhi ho hijab mein husn bhi ho hijab mein
ya to KHud aashkar ho ya mujhe aashkar kar
tu hai muhit-e-be-karan main hun zara si aabju
ya mujhe ham-kanar kar ya mujhe be-kanar kar
main hun sadaf to tere hath mere guhar ki aabru
main hun KHazaf to tu mujhe gauhar-e-shahwar kar
naghma-e-nau-bahaar agar mere nasib mein na ho
us dam-e-nim-soz ko tairak-e-bahaar kar
bagh-e-bahisht se mujhe hukm-e-safar diya tha kyun
kar-e-jahan daraaz hai ab mera intizar kar
roz-e-hisab jab mera pesh ho daftar-e-amal
aap bhi sharmsar ho mujh ko bhi sharmsar kar
Allama Iqbal 
(3220) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544