Shuur O Hosh O KHirad Ka Moamla Hai Ajib
shuur o hosh o KHirad ka moamla hai ajib
maqam-e-shauq mein hain sab dil o nazar ke raqib
main jaanta hun jamaat ka hashr kya hoga
masail-e-nazari mein ulajh gaya hai KHatib
agarche mere nasheman ka kar raha hai tawaf
meri nawa mein nahin tair-e-chaman ka nasib
suna hai main ne suKHan-ras hai turk-e-usmani
sunae kaun use 'iqbaal' ka ye sher-e-gharib
samajh rahe hain wo europe ko ham-jawar apna
sitare jin ke nasheman se hain ziyaada qarib
Allama Iqbal 
(2096) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544