Tu Ai Asir-e-makan La-makan Se Dur Nahin
tu ai asir-e-makan la-makan se dur nahin
wo jalwa-gah tere KHak-dan se dur nahin
wo margh-zar ki bim-e-KHizan nahin jis mein
ghamin na ho ki tere aashiyan se dur nahin
ye hai KHulasa-e-ilm-e-qalandari ki hayat
KHadang-e-jasta hai lekin kaman se dur nahin
faza teri mah o parwin se hai zara aage
qadam uTha ye maqam aasman se dur nahin
kahe na rah-numa se ki chhoD de mujh ko
ye baat rah-raw-e-nukta-dan se dur nahin
Allama Iqbal 
(2637) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544