Tujhe Yaad Kya Nahin Hai Mere Dil Ka Wo Zamana
tujhe yaad kya nahin hai mere dil ka wo zamana
wo adab-gah-e-mohabbat wo nigah ka taziyana
ye butan-e-asr-e-hazir ki bane hain madrase mein
na ada-e-kafirana na tarash-e-azrana
nahin is khuli faza mein koi gosha-e-faraghat
ye jahan ajab jahan hai na qafas na aashiyana
rag-e-tak muntazir hai teri barish-e-karam ki
ki ajam ke mai-kadon mein na rahi mai-e-mughana
mere ham-safir ise bhi asar-e-bahaar samjhe
unhen kya KHabar ki kya hai ye nawa-e-ashiqana
mere KHak o KHun se tu ne ye jahan kiya hai paida
sila-e-shahid kya hai tab-o-tab-e-jawedana
teri banda-parwari se mere din guzar rahe hain
na gila hai doston ka na shikayat-e-zamana
Allama Iqbal 
(4018) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544