Ye Payam De Gai Hai Mujhe Baad-e-subh-gahi
ye payam de gai hai mujhe baad-e-subh-gahi
ki KHudi ke aarifon ka hai maqam padshahi
teri zindagi isi se teri aabru isi se
jo rahi KHudi to shahi na rahi to ru-siyahi
na diya nishan-e-manzil mujhe ai hakim tu ne
mujhe kya gila ho tujh se tu na rah-nashin na rahi
mere halqa-e-suKHan mein abhi zer-e-tarbiyat hain
wo gada ki jaante hain rah-o-rasm-e-kaj-kulahi
ye muamle hain nazuk jo teri raza ho tu kar
ki mujhe to KHush na aaya ye tariq-e-KHanqahi
tu huma ka hai shikari abhi ibtida hai teri
nahin maslahat se KHali ye jahan-e-murgh-o-mahi
tu arab ho ya ajam ho tera la ilah illa
lughat-e-gharib jab tak tera dil na de gawahi
Allama Iqbal 
(4202) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544