Gulon Ki Gar Inayat Ho Gai To
gulon ki gar inayat ho gai to
unhen hum se mohabbat ho gai to
hamein kyun saunpta hai daulat-e-husn
amanat mein KHayanat ho gai to
kisi ki bekasi pe hansne wale
teri bhi aisi haalat ho gai to
mujhe tu mujh se baDh kar chahta hai
meri KHud se adawat ho gai to
na lag honTon se cigarette ki tarah tu
agar mujh ko teri lat ho gai to
tu KHud ko bad-dua deta hai aksar
KHuda ke ghar samaat ho gai to
Alok Yadav 
(802) Peoples Rate This