Wan Agar Jaen To Le Kar Jaen Kya
wan agar jaen to le kar jaen kya
munh use hum ja ke ye dikhlaen kya
dil mein hai baqi wahi hirs-e-gunah
phir kiye se apne hum pachhtaen kya
aao len us ko hamin ja kar mana
us ki be-parwaiyon par jaen kya
dil ko masjid se na mandir se hai uns
aise wahshi ko kahin bahlaen kya
jaanta duniya ko hai ek khel tu
khel qudrat ke tujhe dikhlaen kya
umr ki manzil to jun tun kaT gai
marhale ab dekhiye pesh aaen kya
dil ko sab baaton ki hai naseh KHabar
samjhe samjhae ko bas samjhaen kya
man lije sheKH jo dawa kare
ek buzurg-e-din ko hum jhuTlaen kya
ho chuke 'haali' ghazal-KHwani ke din
ragni be-waqt ki ab gaen kya
Altaf Hussain Hali 
(1053) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544