Phir Koi Mushkil Jawan Hone Ko Hai
phir koi mushkil jawan hone ko hai
doston ka imtihan hone ko hai
jhonke dam sadhe khaDe hain chaar-su
koi hangama yahan hone ko hai
bhig jaane par bhi jo bujhta na tha
aaj wo shoala dhuan hone ko hai
ye bahaaren aur gul buTe niDhaal
fasl-e-gul daur-e-KHizan hone ko hai
zindagi se kijiye ummid kya
zindagi KHud raegan hone ko hai
zabt ka had se guzarna dekhiye
raaz aankhon se bayan hone ko hai
manzil-e-maqsud jab aai nazar
rahbar sang-e-garan hone ko hai
Amar Singh Figar 
(878) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544