Sahar Ki Jumbish Qad-e-matanat Pe Rah Gai Thi
sahar ki jumbish qad-e-matanat pe rah gai thi
qafas ki talKHi lab-e-shikayat pe rah gai thi
zamin pe shoalat ug rahe thi magar wo chup thi
shua-e-tira libas-e-wahshat pe rah gai thi
tanab-e-shah-rag ukhaD Dali gham-e-sukun ne
hayat duniya ki KHasta haalat pe rah gai thi
fasil-e-shashdar ke baam par ho rahi hai afshan
jo sham-e-saat jabin-e-hasrat pe rah gai thi
bisat gardish ke daeron mein simaT chuki thi
magar wo zauq-karam ki wusat pe rah gai thi
KHirad ke pahlu ki sahmi sahmi nigah 'amir'
sutun-e-be-dar ki tang qamat pe rah gai thi
Amir Nazar 
(1132) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544