Talluqat Ke Sare Diye Bujhe Hue The
talluqat ke sare diye bujhe hue the
ajib haal tha jab un se rabte hue the
hamare aks ke pahlu se ho gae KHaif
hamare samne jo KHud ke aaine hue the
nigah raat ka zina talash karti rahi
sulagte KHwab kisi taq par rakhe hue the
KHushi mili to masafat ka gham bhula baiThe
go rah-e-zist pe yun kitne aable hue the
wo tirgi ka lahu tha ki chandni ka surur
sahar ke nam kai zaiqe likhe hue the
mere wajud ko taqsim kar diya sab ne
zamin ke jism pe kuchh aise sanehe hue the
barah-e-rast kisi ka nishan nahin 'amir'
so falsafe dar-o-diwar par saje hue the
Amir Nazar 
(931) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544