Shamim-e-yar Na Jab Tak Chaman Mein Chhu Aae
shamim-e-yar na jab tak chaman mein chhu aae
na rang aae kisi phul mein na bu aae
maza to jab hai shahadat ka main idhar se baDhun
udhar se tegh-e-jafa khinch ke ta gulu aae
dimagh de jo KHuda gulshan-e-mohabbat mein
har ek gul se tere pairahan ki bu aae
zaban daraaz sinan zaKHm mein darida dahan
kahin na donon mein ranjish ki guftugu aae
dikhaen husn-e-bayan shairi mein kya 'taslim'
zaban aae na andaz-e-guftugu aae
Amirullah Tasleem 
(895) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544