Zindagi Be-qarar Kaun Kare
zindagi be-qarar kaun kare
KHwahishen be-shumar kaun kare
chhoD kar kaam ye mohabbat ka
KHud ko be-rozgar kaun kare
jab wafa hi nahin zamane mein
ishq sar par sawar kaun kare
maut aai hai zist ko lene
maut se ab udhaar kaun kare
haal jab puchhta nahin koi
dard ko ishtihaar kaun kare
tirgi mein adab ki duniya hai
ab ye raushan dayar kaun kare
KHar hi KHar hain 'ahad' jis par
rah wo iKHtiyar kaun kare
Amit Ahad 
(877) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544