Apne Hone Ki Tab-o-tab Se Bahar Na Hue
apne hone ki tab-o-tab se bahar na hue
hum hain wo sip jo aazada-e-gauhar na hue
harf-e-be-saut ki manind rahe duniya mein
dasht-e-imkan mein khule naqsh-e-musawwir na hue
phul ke rang sar-e-shaKH-e-KHizan bhi chamke
qaidi-e-rasm-e-chaman KHak ke jauhar na hue
thak ke girte bhi nahin ghar ko palaTte bhi nahin
najm-e-aflak hue aas ke tair na hue
us ki galiyon mein rahe gard-e-safar ki surat
sang-e-manzil na bane rah ka patthar na hue
apni nakaam umidon ke KHam-o-pech mein gum
abr-e-kam-ab the hum rizq-e-samundar na hue
Amjad Islam Amjad 
(883) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544