Dasht-e-dil Mein Sarab Taza Hain
dasht-e-dil mein sarab taza hain
bujh chuki aankh KHwab taza hain
dastan-e-shikast-e-dil hai wahi
ek do chaar bab taza hain
koi mausam ho dil-gulistan mein
aarzu ke gulab taza hain
dosti ki zaban hui matruk
nafraton ke nisab taza hain
aagahi ke hamari aankhon par
jis qadar hain azab taza hain
zaKHm-dar-zaKHm dil ke khate mein
doston ke hisab taza hain
sar pe buDhi zamin ke 'amjad'
ab ke ye aaftab taza hain
Amjad Islam Amjad 
(1047) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544