Dasht-e-be-ab Ki Tarah Guzri
dasht-e-be-ab ki tarah guzri
zindagi KHwab ki tarah guzri
chashm-e-pur-ab se teri KHwahish
raqs-e-mahtab ki tarah guzri
ek surat ko DhunDte har shab
chashm-e-be-KHwab ki tarah guzri
hijr ki anjuman se har saat
ashk-e-be-tab ki tarah guzri
dastan meri is kahani ke
an-paDhe bab ki tarah guzri
dil ke dariya se har KHushi 'amjad'
ek girdab ki tarah guzri
Amjad Islam Amjad 
(1036) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544