Kuchh Uzr Pas-e-wada-KHilafi Nahin Rakhte
kuchh uzr pas-e-wada-KHilafi nahin rakhte
ho kaise masiha dam-e-shafi nahin rakhte
aise to na the zaKHm ki jo bhar hi na pate
ahbab magar zarf-e-talafi nahin rakhte
is chain se jine mein koi bhed nahin hai
bas ye ki tamannaen izafi nahin rakhte
is daur mein insaf panap hi nahin sakta
iKHlas-e-qalam jis mein sahafi nahin rakhte
hain aur bhi duniya mein suKHnawar bahut achchhe
hum jaisa magar zauq-e-qawafi nahin rakhte
ye moajiza mohtaj hai pindar-e-wafa ka
sab teshe dam-e-koh-shigafi nahin rakhte
har baat mein kam-maya nazar aate hain 'anjum'
rahat to kuja dard bhi kafi nahin rakhte
Anjum Khaleeq 
(2012) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544