Din Le Ke Jaun Sath Use Sham Kar Ke Aaun

din le ke jaun sath use sham kar ke aaun

be-kar ke safar mein koi kaam kar ke aaun

be-mol kar gain mujhe ghar ki zaruraten

ab apne-ap ko kahan nilam kar ke aaun

main apne shor-o-shar se kisi roz bhag kar

ek aur jism mein kahin aaram kar ke aaun

kuchh roz mere nam ka hissa raha hai wo

achchha nahin ki ab use bad-nam kar ke aaun

'anjum' main bad-dua bhi nahin de saka use

ji chahta to tha wahan kohram kar ke aaun