Main Har Be-jaan Harf-o-lafz Ko Goya Banata Hun
main har be-jaan harf-o-lafz ko goya banata hun
ki apne fan se patthar ko bhi aaina banata hun
main insan hun mera rishta 'brahim' aur 'azar' se
kabhi mandir kalisa aur kabhi kaba banata hun
meri fitrat kisi ka bhi taawun le nahin sakti
imarat apne gham-KHane ki main tanha banata hun
na jaane kyun adhuri hi mujhe taswir jachti hai
main kaghaz hath mein lekar faqat chehra banata hun
meri KHwahish ka koi ghar KHuda malum kab hoga
abhi to zehn ke parde pe bas naqsha banata hun
main apne sath rakhta hun sada aKHlaq ka paras
isi patthar se miTTi chhu ke main sona banata hun
Anwar Jalalpuri 
(1044) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544