Zamana Uf Ye Kaisa Ho Raha Hai
zamana uf ye kaisa ho raha hai
jo sidha tha wo ulTa ho raha hai
ab ahl-e-ilm mein tarikiyan hain
jahaalat mein sawera ho raha hai
wahan par zindagi kaise bachegi
jahan qatil masiha ho raha hai
bashar ka maqsad-e-taKHliq dekho
use hona tha kya kya ho raha hai
ye hai taqlid-e-maghrib ka natija
juda muslim se parda ho raha hai
hamari rast-goi kaam aai
wafa hona tha wada ho raha hai
jamal-e-fikr-o-fan ka tere 'anwar'
suKHan-danon mein charcha ho raha hai
Anwar Jamal Anwar 
(935) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544