Talash Jis Ko Main Karta Phira KHarabon Mein
talash jis ko main karta phira KHarabon mein
mila wo shaKHs mujhe raat mere KHwabon mein
main us ko ghurfa-e-dil mein bhala chhupaun kya
jo lafz lafz hai bikhra hua kitabon mein
dam-e-visal teri aanch is tarah aai
ki jaise aag sulagne lage gulabon mein
wo aankh jis se ghazal meri iktisab hui
wo aankh jagti rahti hai mere KHwabon mein
mahak jo uThti hai 'anwar-sadid' us gul se
kahan wo taza mahak kaghzi gulabon mein
Anwar Sadeed 
(734) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544