Ho Gae Din Jinhen Bhulae Hue
ho gae din jinhen bhulae hue
aaj kal hain wo yaad aae hue
main ne raaten bahut guzari hain
sirf dil ka diya jalae hue
ek usi shaKHs ka nahin mazkur
hum zamane ke hain satae hue
sone aate hain log basti mein
sare din ke thake-thakae hue
muskurae baghair bhi wo honT
nazar aate hain muskurae hue
go falak pe nahin palak pe sahi
do sitare hain jagmagae hue
ai 'shuur' aur koi baat karo
hain ye qisse sune-sunae hue
Anwar Shuoor 
(914) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544